ایلون مسک نے فیفا ورلڈ کپ سے دلچسپی رکھنے والے افراد کو خوش خبری سنادی

By admin On نومبر 21, 2022

ٹوئٹر نے فیفا ورلڈ کپ کے افتتاحی میچ کی لائیو کوریج اور کمنٹری فراہم کرنے کا اعلان کیا ہے۔

سماجی رابطے کی سائٹ ٹوئٹر کے مالک ایلون مسک کا کہنا ہے کہ ’اتوار کو ہونے والا ورلڈ کپ کا پہلا میچ! بہترین کوریج اور ریئل ٹائم کمنٹری کے ساتھ ٹوئٹر پر دیکھیں‘۔

First World Cup match on Sunday! Watch on Twitter for best coverage & real-time commentary.

— Elon Musk (@elonmusk) November 18, 2022

واضح رہے کہ دنیا کے مہنگا ترین فیفا ورلڈ کپ کا آغاز آج سے قطر میں ہونے جارہا ہے جس میں 32 ٹیمیں حصہ لے رہی ہیں جن کے مابین 64 میچز کھیلے جائیں گے۔

افتتاحی میچ آج رات پاکستانی وقت کے مطابق 9 بجے شروع ہوگا جس میں میزبان ٹیم قطر اور ایکواڈور کی ٹیم مدمقابل ہوں گی۔

خیال رہے کہ ایونٹ کی فاتح ٹیم کو 42 ملین ڈالرز کی خطیر رقم دی جائے گی جب کہ ایونٹ میں شریک تمام ٹیموں کو پہلے ہی 15 لاکھ ڈالر انعامی رقم میں سے ادا کیے جاچکے ہیں۔

اس مرتبہ فیفا نے ٹیموں کے لیے انعامی رقم کو بڑھا کر 440 ملین ڈالر کردیا ہے جب کہ 2018 میں ہونے والے فیفا ورلڈ کپ کی انعامی رقم 400 ملین ڈالر تھی۔

یاد رہے کہ قطر نے فیفا ورلڈ کپ 2022 کی کامیابی کے لیے دوحہ میں ایک جدید ترین ’ٹیک ہب‘ قائم کیا ہے جو پورے ایونٹ کی نگرانی کرے گا۔

ٹیک ہب کے قیام کا مقصد عالمی ایونٹ کے دوران تماشائیوں پر نظر رکھنے، ہجوم بڑھنے اور اسٹیڈیم کے درجہ حرارت کو کنٹرول رکھنا ہے۔

قطر کے دارالحکومت دوحہ میں قائم ’ٹیک ہب‘ میں سینکڑوں اسکرینوں پر مشتمل ایک بڑا ہال تعمیر کیا گیا ہے جہاں ورلڈ کپ کے میچز کی براہ راست نگرانی کی جائے گی۔