بلوم برگ کی رپورٹ میں بتایا گیا ہے کہ امریکا خاموشی سے اسرائیل کو ہتھیاروں کی منتقلی بڑھا رہا ہے۔
غیر ملکی میڈیا کی رپورٹس کے مطابق بلوم برگ کی رپورٹ میں دعویٰ کیا گیا ہے کہ پینٹاگون کو دی گئی درخواست میں اپاچی گن شپ بیڑے کے لیے مزید لیزر گائیڈڈ میزائل شامل ہیں۔
رپورٹ کے مطابق مذکورہ درخواست میں 155 ایم ایم گولے، نائٹ ویژن ڈیوائسز، بنکر بسٹر گولہ بارود اور فوجی گاڑیاں بھی شامل ہیں۔
بلوم برگ کی رپورٹ میں مزید کہا گیا ہے کہ امریکی محکمۂ دفاع امریکا اور یورپ کے ذخائر سے ان ہتھیاروں کو دستیاب کرانے کے لیے کام کر رہا ہے۔
رپورٹ میں یہ بھی بتایا گیا ہے کہ امریکا اسرائیل کو ہر سال 3.8 ارب ڈالرز کی فوجی امداد فراہم کرتا ہے۔