متحدہ عرب امارات نے تمام ممالک کے ویکسین والے افراد کے لیے سیاحتی ویزے کھولنے کا اعلان کیا ہے۔
ابوظہبی(اردوویکلی)::فیڈرل اتھارٹی برائے شناخت اور شہریت (آئی سی اے) اور نیشنل ایمرجنسی کرائسز اینڈ ڈیزاسٹر مینجمنٹ اتھارٹی (این سی ای ایم اے) نے مشترکہ طور پر اعلان کیا ہے کہ 30 اگست سے تمام ممالک کے لوگوں کے لیئے سیاحتی ویزے کھول دیئے جایئں گے، بشرطیکہ انہوں نے مکمل طور پر ڈبلیو ایچ او سے منظور شدہ کوویڈ 19 ویکسین لگوائی ہو۔یہ عوامی صحت اور اہم شعبوں کی سرگرمیوں کے درمیان توازن پیدا کرنے اور پائیدار بحالی اور معاشی نمو کے حصول کے لیے قومی کوششوں کی حمایت میں ملکی حکمت عملی کے ایک حصے کے طور پر سامنے آیا ہے۔متحدہ عرب امارات کی سرکاری نیوزایجنسی وام کے مطابق مذکورہ فیصلے کا اطلاق ان ممالک کے مسافروں پر بھی ہوگا جن پر سفری پابندیاں ہیں۔ سیاحتی ویزا پر آنے والے مسافروں کو لازمی طور پر ہوائی اڈے پر پی سی آر ٹیسٹ کراناہوگا۔
