وزیر خارجہ مخدوم شاہ محمود قریشی کی زیر صدارت وزارت خارجہ میں سینٹرل کوآرڈینیشن کمیٹی برائے قونصلر سروسز کے اجلاس کا انعقاد
اسلام آباد(اردوویکلی)::وزیراعظم عمران خان بیرون ملک مقیم پاکستانیوں کی فلاح و بہبود میں خصوصی دلچسپی رکھتے ہیں وزیر اعظم کے وژن کی روشنی میں ہم نے قونصلر سروسز کے حوالے سے بہت سی مثبت تبدیلیاں متعارف کروائی ہیں قونصلر سروسز میں مشین ریڈایبل پاسپورٹ کا اجراء،قومی شناختی کارڈ کی تجدید، ویزا سروسز، شہریت کی تصدیق، ایمرجنسی سفری دستاویزات کا اجراء سمیت بہت سی خدمات شامل ہیں جو پوری دنیا میں ہمارے سفارتخانے، بیرون ملک مقیم پاکستانیوں کو فراہم کر رہے ہیں بیرون ملک مقیم پاکستانیوں کو سہولت فراہم کرنے کیلئے، پاور آف اٹارنیز کی تصدیق کو آن لائن بنایا گیا ہے،میری ہدایت پر، ہمارے تمام سفراء بیرون ملک مقیم پاکستانیوں کو درپیش مشکلات کے بروقت ازالے کیلئے باقاعدگی کے ساتھ "ای کچہریاں” منعقد کر رہے ہیں قونصلر سروسز کی بہتر فراہمی کیلئے تمام متعلقہ وزارتوں کے مابین قریبی ربط بہت اہمیت کا حامل ہے ان خیالات کااظہاروزیرخارجہ مخدوم شاہ محمود قریشی نے وزارت خارجہ میں اپنی زیر صدارات سینٹرل کوآرڈینیشن کمیٹی برائے قونصلرسروسزکے اجلاس میں کیا۔شاہ محمودقریشی نے کہا کہ میں سینٹرل کوآرڈینیشن کمیٹی کے اجلاس میں تشریف آوری پر آپ سب کو خوش آمدید کہتا ہوں،وزیر اعظم عمران خان صاحب کی خصوصی ہدایت پر سنٹرل کوآرڈینیشن کمیٹی برائے قونصلر سروسز تشکیل دی گئی جس کا آج پہلا اجلاس منعقد ہو رہا ہے،ہمارے بہت سے سفراء نے اس اجلاس میں ورچوئل شرکت کی اور بیرون ملک مقیم پاکستانیوں کو فراہم کی جانے والی قونصلر خدمات کی تفصیلات سے آگاہ کیا،اجلاس میں چیئرمین نادرا طارق ملک نے وزیر خارجہ کو نادرا کی جانب سے پاکستانی سفارتخانوں میں نئے کھولے گئے نادرا کاؤنٹرز اور پیش کردہ خدمات کی تفصیلات سے آگاہ کیااجلاس میں وفاقی سیکرٹری اسٹیبلشمنٹ ، وفاقی سیکرٹری وزارت قانون و انصاف، چیئرمین نادرا و دیگر وزارتوں کے سینیئر افسران شریک ہوئےچیف سیکرٹری پنجاب، ہوم سیکرٹری خیبر پختون خواہ کی بذریعہ ویڈیو لنک شرکت۔
