کراچی:
شہر قائد کے علاقے اسکیم 33 غازی گوٹھ جلبانی چوک کے قریب سچل پولیس نے مبینہ مقابلے کے بعد 2 ڈاکوؤں کو زخمی حالت میں گرفتار کرلیا۔
چھیپا حکام کے مطابق زخمی ملزمان کو طبی امداد کے لیے جناح اسپتال منتقل کیا گیا جہاں ان کی شناخت 25 سالہ شہباز اور 20 سالہ افضل کے نام سے ہوئی۔
پولیس کے مطابق گرفتار ملزمان کے قبضے سے 2 پستولیں، موبائل فون، نقدی اور ایک موٹرسائیکل برآمد کی گئی ہے، جبکہ واقعے سے متعلق مزید قانونی کارروائی جاری ہے۔