نیوزی لینڈ کرکٹ بورڈ کے سیکیورٹی وفد نے قذافی اسٹیڈیم کا دورہ کیا ہے۔
تفصیلات کے مطابق نیوزی لینڈ کرکٹ بورڈ کا سیکیورٹی وفد قذافی اسٹیڈیم کے بعد سیف سٹی اتھارٹی کا بھی دورہ کرے گا۔
مہمان وفد نے قذافی اسٹیڈیم میں تیاریوں کا جائزہ لیا۔سیکیورٹی حکام مہمان وفد کو انتظامات کے حوالے سے بریفنگ دیں گے۔
نیوزی لینڈ کا سیکیورٹی وفد کراچی کے بعد لاہور میں انتظامات کا جائزہ لینے آیا ہے۔چار رکنی سیکیورٹی وفد میں ریگ ڈیکسن، سائمن لیسلے،گریگ مین اور ہیتھ مل شامل ہیں۔
واضح رہے کہ نیوزی لینڈ کی ٹیم نے دسمبر میں 2 ٹیسٹ اور 3 ون ڈے میچز کے لیےپاکستان کا دورہ کرنا ہے۔
Advertisement