برطانیہ کی آنجہانی ملکہ الزبتھ دوم کی آخری رسومات آج ادا کی جائیں گی ۔
برطانوی میڈیا کی رپورٹ کے مطابق ملکہ کی آخری رسومات کی تقریبات کے باعث برطانیہ میں عام تعطیل ہے۔تقریب میں دنیا بھر سےسربراہانِ مملکت اور اہم شخصیات شریک ہوں گی۔
ملکہ برطانیہ کو خراج عقیدت پیش کرنے کے لیے امریکی صدر جو بائیڈن برطانیہ پہنچ گئے ہیں جبکہ فرانسیسی ،ترک اور برازیلین صدور بھی تقریب میں شریک ہوں گے۔
پاکستان کی نمائندگی وزیر اعظم شہبازشریف، بنگلہ دیش کی وزیر اعظم شیخ حسینہ واجد اورسری لنکا کی صدر رانل وکرم سنگھے کریں گے۔
مہمانوں کی فہرست میں نیوزی لینڈ کی وزیر اعظم جیسنڈا آرڈن ، کینیڈین وزیر اعظم جسٹن ٹروڈو اور آئرلینڈ کے وزیر اعظم بھی شامل ہیں۔
Advertisement
بیلجیم کے شاہ فلپ ، نیدرلینڈز کی ملکہ، اسپین کے بادشاہ ،جاپان کے لیڈر،ناروے،سویڈن،ڈنمارک اورمناکوکے شاہی خاندان بھی ملکہ کی آخری رسومات میں شریک ہوں گے۔
اردن کے بادشاہ، قطر کے امیر،عمان کے سلطان اور فلسطین کے وزیر اعظم بھی آخری رسومات میں مدعوہیں۔
ملکہ الزبتھ دوم کی آخری رسومات برطانیہ کے ایک سو پچیس سینما گھروں میں دکھائی جائیں گی جبکہ پارکس، چوک، گرجا گھروں میں بھی اسکرینیں لگائی گئی ہیں۔
ملکہ کے آخری دیدار کے لیے قطار بہت لمبی ہے، اس لیے مزید لوگوں کے آنے پر پابندی لگادی گئی ہے۔
Advertisement