امریکی فوجی طیارہ جاپان کے یاکوشیما جزیرے کے قریب سمندر میں گر کر تباہ ہو گیا۔
بین الا قوامی میڈیا کی رپورٹ کے مطابق مغربی جاپان میں ایک امریکی فوجی طیارہ V-22 اوسپرے سمندر میں گر کر تباہ ہو گیا جس میں 8 افراد سوار تھے۔
کوسٹ گارڈ کے ترجمان کا اس حادثے کے بارے میں کہنا ہے کہ ابھی اس حادثے کے بارے میں بتانے کے لیے زیادہ تفصیلات نہیں ہیں کیونکہ ابھی ہم حادثے کے بارے میں معلومات اکٹھی کر رہے ہیں۔
رپورٹ میں بتایا گیا ہے کہ حادثہ مقامی وقت کے مطابق دوپہر کو 2 بج کر 47 منٹ کے قریب ہوا اور عینی شاہدین کے مطابق جب جہاز سمندر میں گر رہا تھا تو اس طیارے کے بائیں انجن میں آگ لگی ہوئی تھی۔