کراچی:
شہر قائد کے علاقے سکھن میں پولیس نے کارروائی کرتے ہوئے پاکستان میں غیر قانونی طور پر مقیم 4 افغان شہریوں کو گرفتار کرلیا۔
ترجمان ملیر پولیس کے مطابق گرفتار افراد کی شناخت سعید انور، ہارون، محمد فیضان اور عبدالودود کے نام سے ہوئی ہے۔
پولیس نے چاروں افراد کو مزید قانونی کارروائی کے لیے رشید آباد افغان کیمپ منتقل کردیا ہے۔
ملیر پولیس کے مطابق قانونی کارروائی مکمل ہونے کے بعد گرفتار افغان شہریوں کو افغانستان روانہ کیا جائے گا۔