بورڈ آف کنٹرول فار کرکٹ ان انڈیا کے سیکریٹری جے شاہ نے دعویٰ کیا ہے کہ آئی پی ایل کو ایف ٹی پی میں خصوصی ونڈو مل جائے گی۔
ایک غیر ملکی خبر رساں ادارے کو انٹرویو دیتے ہوئے بی سی سی آئی کے سکریٹری جے شاہ نے کہا کہ آئی پی ایل کے اگلے آئی سی سی فیوچر ٹورز پروگرام کیلنڈر میں ڈھائی ماہ توسیع ملے گی۔
سکریٹری جے شاہ نے خبر رساں ادارے کو بتایا کہ انڈین پریمیئر لیگ (آئی پی ایل) میں اگلے بین الاقوامی کیلنڈر میں 10 ہفتوں کی توسیع کی جائے گی۔
جے شاہ کا کہنا تھا کہ 10 ٹیموں کے مقابلے میں مزید فرنچائزز کو شامل کرنے کا کوئی فوری منصوبہ نہیں ہے اور مستقبل میں کسی بھی اضافے سے مصنوعات کے معیار کو کمزور نہیں کرنا چاہیے۔
جے شاہ کے مطابق ہم آئی سی سی (انٹرنیشنل کرکٹ کونسل) اور کئی دوسرے کرکٹ بورڈز کے ساتھ آئی پی ایل کے لیے ایک خصوصی ونڈو کے لیے بات چیت کر رہے ہیں۔
جے شاہ کا کہنا تھا کہ میں آپ کو یقین دلاتا ہوں کہ اگلے آئی سی سی ایف ٹی پی (فیوچر ٹورز پروگرام) کیلنڈر میں ڈھائی ماہ کی ونڈو ہوگی تاکہ تمام اعلیٰ بین الاقوامی کھلاڑی حصہ لے سکیں۔
Advertisement
جے شاہ نے انکشاف کیا کہ اس ٹورنامنٹ سے سب کو فائدہ ہوتا ہے اور ہمیں آئی سی سی اور دیگر ممبر بورڈز سے مثبت جواب ملا ہے.
واضح رہے کہ آئی پی ایل فی الحال دو ماہ سے زیادہ کھیلا گیا تھا اس دوران بین الاقوامی کرکٹ تقریباً مؤثر طریقے سے رک گئی تھی۔
جبکہ مستقبل میں آئی پی ایل لیگ فی سیزن کے موجودہ 74 میچوں سے 2027 میں 94 ہو جائے گی۔
جے شاہ کا دعویٰ ہے کہ امکان ہے کہ گورننگ آئی سی سی اگلے ماہ 2024 تا 2031 تک کے ایف ٹی پی کیلنڈر پر بات کرے گی۔