امریکی صدر جوبائیڈن کا کہنا ہے کہ اسرائیل فلسطین تنازعے کا واحد حل دو ریاستی حل ہے۔
مقبوضہ بیت المقدس میں اسرائیلی وزیر اعظم کے ساتھ مشترکہ پریس کانفرنس کرتے ہوئے امریکی صدر جو بائیڈن نے کہا ہے کہ کہ ایران کو جوہری ہتھیاروں کے حصول سے روکنے کا بہترین راستہ سفارتکاری ہے لیکن جوہری مذاکرات پر ایران کے ردعمل کا ہمیشہ کے لیے انتظار نہیں کریں گے۔
دوسری جانب اسرائیلی وزیر اعظم یائیر لاپڈ کا کہنا تھا کہ ایران کو روکنے کا واحد راستہ یہ ہے کہ اسے معلوم ہو کہ دنیا طاقت کا استعمال کرے گی۔اسرائیل نےعرب ممالک سے امن کے لیے ہاتھ بڑھایا ہوا ہے۔ ایران کا سامنا کرتے ہوئے علاقائی سلامتی کے لیے ہر ایک کے ساتھ مل کر کام کررہے ہیں۔
امریکی صدر کا مزید کہنا تھا کہ اسرائیل فلسطین تنازعے کا بہترین حل دو ریاستی حل ہے۔ اسرائیل اور فلسطین کے درمیان پائیدار امن کے لیے کام جاری رکھیں گے۔
امریکی صدر کا کہنا تھا کہ ان کا سعودی عرب کا دورہ مشرق وسطیٰ میں اپنا اثر و رسوخ دوبارہ ظاہر کرنے کا ایک موقع ہے۔
Advertisement
یاد رہے، امریکی صدر جو بائیڈن بطور صدر پہلے سرکاری دورے پر اسرائیل میں موجود ہیں جہاں وہ اسرائیلی وزیر اعظم سے میڈل آف آنر بھی وصول کریں گے۔