شہزادہ چارلس کا نیا فنڈ ریزنگ اسکینڈل سامنے آگیا
لندن: برطانوی ولی عہد شہزادہ چارلس کا نیا فنڈ ریزنگ اسکینڈل سامنے آگیا ہے۔
غیر ملکی خبر رساں ادارے کے مطابق شہزادہ چارلس کے فلاحی ادارے نے اسامہ بن لادن کی فیملی سے 10 لاکھ پاؤنڈ وصول کیے ہیں جس کی پرنس چارلس کے آفس نے بھی تصدیق کردی ہے۔
برطانوی میڈیا کے مطابق پرنس چارلس کو خبردار کیا گیا تھا کہ ایسا کرنے سے قومی غم و غصہ سامنے آسکتا ہے مگر انہوں نے نظرانداز کر دیا۔
پرنس چارلس کے فلاحی ادارے کو رقم لادن فیملی کے شیخ بکر بن لادن اور ان کے بھائی شیخ شفیق نے چندہ کی تھی۔
واضح رہے کہ لادن فیملی کے شیخ بکر بن لادن اور ان کے بھائی شیخ شفیق کا دہشتگرد کی کسی کارروائی میں ملوٹ ہونے یا انہیں فنڈنگ سے تعلق نہیں ہے۔
Advertisement
کلیرنس ہاؤس کے مطابق پرنس چارلس نے ڈیل میں ثالثی کی اور نہ ہی اسے قبول کرنے کا فیصلہ کیا، چندہ قبول کرنے کا فیصلہ پرنس آف ویلز کا چیریٹیبل فنڈ کے ٹرسٹیز نے کیا ہے۔
Advertisement