اہم خبریںشوبز/کھیل

کون آفتاب اقبال؟ نامور صحافی کی تنقید پر بابراعظم کا ردعمل

By admin
59
Print Friendly, PDF & Email

نامور صحافی اور میزبان آفتاب اقبال کی  تنقید کے بعد قومی ٹیم کے کپتان بابراعظم کا رد عمل بھی سامنے آگیا ہے۔

نیوزی لینڈ میں جاری سہ فریقی سیریز میں بنگلادیش کو شکست دینے کے بعد پریس کانفرنس کے دوران ایک صحافی نے بابراعظم سے سوال کیا کہ آفتاب اقبال نے ایک بیان میں کہا تھا کہ آپ بطور کپتان اچھا نہیں چل رہے ہیں، یہ باتیں کتنی تکلیف دہ ہوتی ہیں۔

قومی ٹیم کے کپتان بابراعظم نے صحافی کو جواب دیا کہ مجھے نہیں معلوم آپ کس کی بات کر رہے ہیں، آپ نے جس کا نام لیا میں انہیں جانتا بھی نہیں ہوں اور یہ سب چیزیں تو چلتی رہتی ہیں۔

بابراعظم نے مزید کہا کہ ہم کوشش کرتے ہیں کہ اپنی ٹیم کو اعتماد دے سکیں اور اچھی کارکردگی کا مظاہرہ کریں، ہم ان باتوں پر زیادہ توجہ نہیں دیتے۔

واضح رہے کہ نامور صحافی آفتاب اقبال نے اپنے پروگرام کے دوران کہا تھا کہ بابراعظم میرے لیے اسٹار نہیں ہے وہ ایک انا پرست انسان ہے، وہ مغرور ہوگیا ہے اور اپنا وقت بھول گیا ہے۔

آفتاب اقبال نے بابراعظم کو مخاطب کرتے ہوئے کہا کہ کیا تم اپنے آپ کو بھول گئے ہو کہ کہاں سے شروع کیا تھا، اور اللہ نے تمہیں کیسے یہ مقام عطا کیا، تمہیں چاہیے تھا کہ اتنا ہی زمین میں دھنس جاتے، یہ افسوس اور شرم کی بات ہے۔

دوسری جانب بابراعظم پر تنقید پر ان کے مداح شدید غصے میں ہیں اور انہوں نے سوشل میڈیا پر آفتاب اقبال کی خوب ٹرولنگ بھی کی۔ ایک صارف نے تو بابراعظم کی کور ڈرائیو کو آفتاب اقبال کی پوری زندگی سے بہتر قرار دے دیا۔

Advertisement

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }