امریکی ارب پتی ایلون مسک کی کمپنی اسپیس ایکس نے پینٹاگون کو خبردار کیا ہے کہ وہ یوکرین میں فنڈنگ سروس بند کر سکتا ہے۔
تفصیلات کے مطابق ایلون مسک کی کمپنی اسپیس ایکس کے ذریعے بنائے گئے سٹار لنک سیٹلائٹ انٹرنیٹ سٹیشنز یوکرائنی فوج کے لیے مواصلات کا ایک اہم ذریعہ رہے ہیں۔
ان انٹرنیٹ اسٹیشنز میں سیل فون اور انٹرنیٹ نیٹ ورک سروسز شامل ہیں جو روس کے ساتھ لڑائیوں سے تباہ ہو گئے ہیں۔
ایک اندازے کے مطابق اب تک تقریباً 20 ہزار سٹار لنک خلائی یونٹ یوکرین کو عطیہ کیے جا چکے ہیں۔ ایلون مسک نے ٹویٹ کیا کہ اس آپریشن پرسپیس ایکس کی لاگت 80 ملین ڈالر آئی ہے۔ یہ لاگت سال کے آخر میں 100 ملین ڈالر سے بڑھ جائے گی۔
تاہم یہ خیراتی عطیات شاید ختم ہونے والے ہیں کیونکہ اسپیس ایکس نے پنٹاگون کو خبردار کر دیا ہے کہ وہ یوکرین میں فنڈنگ سروس بند کر سکتا ہے، جب تک کہ امریکی فوج ماہانہ لاکھوں ڈالر ادا نہ کرے۔
Advertisement
امریکہ کے معروف نیوز چینل کو حاصل ہونے والی گزشتہ ماہ کی دستاویز کے مطابق اسپیس ایکس نے پنٹاگون کو خط لکھا تھا کہ وہ اب اسٹار لنک کے لئے مزید فنڈز جاری نہیں رکھ سکتا۔
خط میں یہ بھی درخواست کی گئی ہے کہ پینٹاگون یوکرین کی حکومت کے سٹار لنک کے استعمال کے لیے فنڈز فراہم کرے۔
اس خط میں کہا گیا تھا کہ باقی سال کے لئے 120 ملین ڈالر سے زیادہ کی لاگت آئے گی اور اگلے 12 ماہ کی لاگت 400 ملین ڈالر ہے۔
اسپیس ایکس کے ڈائریکٹر سیلز نے گزشتہ ماہ میں پنٹاگون کو لکھا تھا کہ ہم اس پوزیشن میں نہیں ہیں کہ یوکرین کو مزید اسٹیشن عطیہ کر سکیں، یا غیر معینہ مدت کے لیے موجودہ اسٹیشنوں کو فنڈ دیتے رہیں۔
واضح رہے کہ گزشتہ جولائی میں یوکرین کی فوج کے سربراہ جنرل ویلری زلوزنی کی طرف سے تقریباً 8,000 اضافی سٹار لنک اسٹیشنوں کے لیے ایلون مسک سے براہ راست درخواست کی گئی تھی۔
Advertisement