بھارت میں درگاہ حاجی علی پر حملے کا الرٹ جاری
بھارتی شہر ممبئی کی مشہور درگاہ حاجی علی پر حملے کا الرٹ جاری کیا گیا ہے جس کے باعث درگاہ کی سیکیورٹی بڑھادی گئی ہے۔
کشمیر میڈیا سروس کی رپورٹ کے مطابق بھارتی شہر ممبئی میں مسلمانوں کی مشہور درگاہ حاجی علی واقع ہے جس پر حملے کا الرٹ جاری کیا گیا ہے۔
رپورٹ کے مطابق ممبئی پولیس کو کنٹرول روم پر درگاہ حاجی علی پر حملے کی دھمکی موصول ہوئی تھی جس کے بعد درگاہ کی سیکیورٹی بڑھادی گئی ہے۔
پولیس کا بتانا ہے کہ دھمکی آمیز کال الہاس نگر سے موصول ہوئی ہے جس کے بعد سے یہ دھمکی دہنے والا نمبر بند ہے جب کہ اس سے قبل بھی درگاہ پر حملے کی دھمکیاں مل چکی ہیں۔
پولیس کا کہنا ہے کہ درگاہ کے اطراف سیکیورٹی سخت کردی ہے۔
Advertisement
واضح رہے کہ درگاہ حاجی علی میں ہر روز ہزاروں عقیدت مند آتے ہیں جب کہ یہ پہلا موقع نہیں جب بھارت میں مسلمانوں کی کسی مقدس جگہ کو نشانہ بنانا چاہا ہو۔
اس سے قبل بھارت میں حیدرآباد کی مکہ مسجد، اجمیر کی درگاہ اورمالی گاؤں میں بم دھما کے ہوچکے ہیں جس میں ہندوتوا انتہا پسند ملوث پائے گئے تھے۔
سن 2008 کے مالی گاؤں بم دھماکوں میں بھارتی فوج کا لیفٹیننٹ کرنل شری کانت پروہت ملوث پایا گیا تھا جس میں کئی افراد ہلاک اور سوسے زائد زخمی ہوئے تھے۔
Advertisement