متحدہ عرب امارات واپسی کے خواہش مند پاکستانیوں کے لیے بڑی خوشی کی خبر
ابوظبی ایئرپورٹ پر اُترنے والے مسافروں کے لیے کل سے آئی سی اے کے انٹری پرمٹ کی شرط ختم ہو جائے گی
حکومت ابوظبی نے امارات واپسی کے خواہش مند پاکستانیوں سمیت دیگر ممالک کے ویزہ ہولڈرز کوبڑی خوش خبری سُنا دی ہے۔ متحدہ عرب امارات کے انگریزی روزنامہ گلف نیوز کے مطابق ایسے افراد جن کے پاس کارآمد ویزہ ہے اور وہ امارات واپس آنا چاہتے ہیں، تو ان سے اب آئی سی اے(فیڈرل اتھارٹی برائے آیئڈنٹٹی اینڈسٹیزن شپ) کاجاری کردہ خصوصی اجازت نامہ طلب نہیں کیا جایئگا تمام ویزہ ہولڈرز کواس انٹری پرمٹ کے بغیر ہی مملکت میں داخلے کی اجازت ہو گی۔ اماراتی ویزہ ہولڈرز کے لیے یہ رعایت کل بروزمنگل مؤرخہ 11 اگست سے دستیاب ہو گی۔