حبیب بنک لمیٹڈ کے زیر اہتمام منعقد کئیے گئے ٹورنامنٹ میں پاکستانی کرکٹ اسٹارز
عمرگل،اورعمران نذیرکی خصوصی شرکت
دبئی(اردوویکلی):: حبیب بینک لمٹیڈ گلوبل بزنس ریمٹنس بزنس کا”کرکٹ ہیرو”کے عنوان سے3ہفتوں پرمحیط ایک کرکٹ ٹورنامنٹ کاانعقادکیا گیاجس میں دس کرکٹ ٹیموں نے حصہ لیا،ٹورنامنٹ کامقصدترسیلات زرکوفروغ دینااوراپنی رقم وطن واپس بھیجنے کیلئے قانونی چینل کی اہمیت کومزیدتقویت دینا اورحوالہ/ہنڈی کے استعما ل کے نقصانات کے بارے میں آگاہی پھیلاناتھا۔اس تناظرمیں،حبیب بنک لمیٹڈ نے متحدہ عرب امارات کی معروف منی ایکسچینج کمپنیوں کیساتھ بھرپورتعان کیاتاکہ قانونی ذرائع سے رقم بھجوانےکے اقدام کوفروغ دینے کیلئے اجتماعی طورپرحصہ لیاجاسکے۔
کرکٹ ٹورنامنٹ کے فائنل تقریب کے شرکاء سے خطاب کرتے ہوئے قونصل جنرل آف پاکستان دبئی وشمالی امارات حسن افضل خان نے کہاکہ ترسیلات زر پاکستان کی معیشت میں کلیدی کرداراداکرتی ہیں اورپاکستان اپنی زیادہ ترسیلات خلیجی ممالک سے وصول کرتاہے۔انہوں نے کہاکہ ترسیلات زرپاکستان کے اداروں کومستحکم کرنے میں اہم کرداراداکرتی ہیں،حکومت پاکستان کوتارکین وطن کی طرف سے خاندانوں کیلئے ترسیلات زر کی بروقت وصولی کی اہمیت کااحساس ہے اورقانونی ذرائع سے ترسیلات زر کی روانی کومزیدآسان بنانے کیلئے مختلف اقدامات شروع کئے گئےہیں۔
کرکٹ ٹورنامنٹ کے اختتامی تقریب میں پاکستانی کرکٹ سٹارز عمرگل اورعمران نذیربھی شامل تھے،ٹرافی کے علاوہ ٹورنامنٹ کی فاتح اوررنراب ٹیم کو حبیب بنک لمیٹڈ کی جانب سے بالتریب10ہزاراور5ہزاردرہم کے نقدانعامات بھی دیئے گئے۔
