اسلام آباد:
نائب وزیراعظم و وزیر خارجہ سینیٹر محمد اسحاق ڈار اور ایران کے وزیر خارجہ سید عباس عراقچی کے درمیان ٹیلی فونک رابطہ ہوا جس میں دونوں رہنماؤں نے علاقائی اور عالمی صورتحال پر تبادلہ خیال کیا۔
ترجمان دفتر خارجہ کے مطابق گفتگو کے دوران مقبوضہ بیت المقدس کی بگڑتی ہوئی صورتحال پر بھی تفصیلی بات چیت کی گئی۔
نائب وزیراعظم اسحاق ڈار نے ایرانی وزیر خارجہ سید عباس عراقچی کو جلد پاکستان کا دورہ کرنے کی دعوت بھی دی۔