ون ڈے سیریز کے آخری میچ میں آسٹریلیا نے میزبان ٹیم (سری لنکا) کو 4 وکٹوں سے شکست دے دی ہے۔
تفصیلات کے مطابق کولمبو میں کھیلے گئے آخری میچ میں سری لنکا نے ٹاس جیت کر بیٹنگ کا فیصلہ کیا اور پوری ٹیم 44ویں اوور میں 160 رنز بنا کر آل آؤٹ ہوگئی۔
سری لنکا کی جانب سے چمیکا کاونارتنے 75 رنز بنا کر ٹاپ اسکورر رہے،کوشل مینڈس 26،چارتھ اسلنکا 14،پرامود ماڈوشان 15 جبکہ کپتان ڈوسن شنکا صرف 1 رن بنا سکے۔
A fighting effort from Chamika Karunaratne
Well Played!#SLvAUS pic.twitter.com/NuNW8duhyt
Advertisement
— Sri Lanka Cricket
(@OfficialSLC) June 24, 2022
آسٹریلیا کی جانب سے جوش ہیزل ووڈ،میتھیو کوشنیمین اور ہیٹ کمنز نے 2،2 کھلاڑیوں کو آؤٹ کیا جبکہ گلین میکسویل اور کیمرن گرین نے 1،1 وکٹ حاصل کی۔
میزبان ٹیم کی جانب سے دیا گیا ہدف آسٹریلیا نے 40ویں اوور میں 6 وکٹوں کے نقصان پر حاصل کر لیا،ایلکس کیری 45 رنز بنا کر ناقابل شکست رہے،مارنس لیبوشین 31،کیمرن گرین ناقابل شکست 25،مچل مارش 24 جبکہ کپتان ایرن فنچ صفر پر پویلین لوٹے۔
سری لنکا کی جانب سے ڈونتھ ویلالجے نے 3 کھلاڑیوں کو پویلین روانہ کیا،مہیش ٹھیکشانا نے 2 جبکہ پراموڈ ماڈوشان نے 1 کھلاڑی کو آؤٹ کیا۔
چمیکا کارونارتنے کو 75 رنز کی اننگ کھیلنے پر مین آف دی میچ کا ایوارڈ دیا گیاجبکہ کوشل مینڈس کو سیریز میں 249 رنز بنانے پر مین آف دی سیریز کا ایوارڈ دیا گیا۔
واضح رہے کہ سری لنکا نے سیریز 2-3 سے جیت لی ہے۔