برطانیہ میں بچوں میں پھیلنے والے پراسرار وائرس نے سنسنی پھیلادی ہے۔ اس موقع پر عالمی ادارہ برائے صحت نے انتباہ جاری کردیا ہے۔ وائرس سے ایک ماہ سے سولہ برس کی عمر کے بچے متاثر ہو رہے ہیں
عالمی ادارہ برائے صحت کی ایک رپورٹ کے مطابق برطانیہ سے ابھرنے والے پراسرارہیپاٹائٹس کے وائرس سے اب تک بائیس بچوں کی اموات ہو چکی ہیں ۔ اس وائرس کا پھیلاؤ دنیا کے پانچ خطوں کے 35 ممالک میں ہوچکا ہے۔
عالمی ادارہ برائے صحت کے مطابق آٹھ جولائی تک اس وائرس میں مبتلا دنیا بھرسے ایک ہزار دس کیسز رپورٹ ہو چکے ہیں جبکہ اس وائرس کا شکار ایک ماہ سے سولہ برس کی عمر تک کے بچے ہو رہے ہیں ۔
ایک ہزار دس کیسز سے حاصل ہونے والے ڈیٹا کے مطابق 60 فی صد بچوں میں الٹی اوراسہال کی علامات پائیں گئی ، 53 بچوں میں یرقان ،52 فی صد متاثرہ بچوں میں کمزوری اور 50 فی صد بچوں میں پیٹ درد کی علامات دیکھیں گئیں ۔ان علامات کو واضع ہونے اور اسپتال میں داخل ہونے میں اوسط 4 دن کا عرصہ لگ رہا ہے۔
یاد رہے، پراسرارہیپاٹائٹس کا پہلا کیس رواں برس اپریل میں برطانیہ میں رپورٹ ہوا ۔ متاثر ہونے والے بچوں کے لیبارٹری ٹیسٹ میں ہیپاٹائٹس اے اورای نہیں پایا گیا تاہم، عالمی ادارے کی رپورٹ کے مطابق بہت سے متاثرہ بچوں میں کورونا وائرس کی تو تشخیص ہوئی لیکن اب تک ڈیٹا نامکمل ہے۔
Advertisement