پاکستان اسپیڈ اسٹار شعیب اختر نے اپنی ایک وڈیو میں کہا ہے کہ بھارتی وکٹ کیپر بیٹسمین رشبھ پنت ماڈل بن کر اربوں روپے کما سکتے ہیں۔
تفصیلات کے مطابق پاکستان کے سابق تیز رفتار بولر شعیب اختر نے اپنے یوٹیوب چینل پربھارتی وکٹ کیپر بیٹسمین رشبھ پنت کی تعریف کرتے ہوئے کہا کہ نوجوان ایک نڈر کرکٹر ہے۔
شعیب کا کہنا تھا کہ رشبھ نے مخالف کو پریشان کرنے کے لیے اپنے ہتھیاروں میں طرح طرح کے شاٹس جمع کر رکھے ہیں، میں اسے پنت نہیں پھینٹا کہتا ہوں کیونکہ بولرز کی پھینٹی لگانے میں ماہر ہے۔
واضح رہے کہ تیسرے اور آخری ون ڈے میں انگلینڈ کے خلاف شاندار اننگز کے بعد پنت کو کئی موجودہ اور سابق کرکٹرز کی جانب سے زبردست پذیرائی مل رہی ہے۔
رشبھ پنت نے اس میچ میں ناقابل شکست 125 رنز بنائے تھے اور بھارت کی سیریز میں تاریخی کامیابی میں اہم کردار ادا کیا تھا۔
رشبھ پنت کی پرفارمنس کا تجزیہ کرتے ہوئے شعیب اختر نے کہا کہ وکٹ کیپر نے اکیلے ہی بھارت کے لیے سیریز جیتی۔
Advertisement
شعیب اختر کے مطابق رشبھ پنت ایک نڈر کرکٹر ہے، اس کے پاس کٹ شاٹ، پل شاٹ، ریورس سویپ، سلوگ سویپ اور پیڈل سویپ ہے۔
اسپیڈ اسٹار نے یوٹیوب چینل پر کہا کہ رشبھ نے آسٹریلیا میں ٹیسٹ میچ جیتا، اس نے یہاں انگلینڈ میں میچ جیتا اور ہندوستان کو اکیلے ہی سیریز میں فتح دلائی.
شعیب اختر نے نے پنت پر بھی زور دیا ہے کہ وہ اپنی فٹنس پر توجہ دیں اور کچھ وزن کم کریں۔
شعیب اختر نے کہا کہ اسے لگتا ہے کہ 24 سالہ نوجوان ماڈل بن کر اربوں روپے کما سکتا ہے۔
شعیب نے مزید کہا کہ بھارتی کی مارکیٹ بڑی ہے، وہ خوب صورت ہے۔ وہ ایک ماڈل بن کر ابھر سکتا ہے اور کروڑوں میں کما سکتا ہے۔ کیونکہ جب بھی کوئی شخص بھارت میں سپر اسٹار بنتا ہے، تو پھر ان پھر سرمایہ کاری کی جاتی ہے.