پی سی بی نے شاہین آفریدی کو انجری سے مکمل نجات کے لیے لندن بھیج دیا ۔
تفصیلات کے مطابق پاکستان کرکٹ بورڈ ( پی سی بی) نے فیصلہ کیا ہے کہ شاہین شاہ آفریدی لندن میں اپنا ری ہیب مکمل کریں گے۔
پی سی بی کے چیف میڈیکل آفیسر کا کہنا ہے کہ شاہین آفریدی کے گھٹنے کو بلاتعطل اسپیشلسٹ کیئر کی ضرورت ہے اور اس حوالے سے لندن میں ورلڈ کلاس سہولیات دستیاب ہیں، لہٰذا ان کی بہتری کے لیے انہیں لندن بھجوانے کا فیصلہ کیا ہے۔
انہوں نے مزید کہا کہ پی سی بی کا میڈیکل ڈیپارٹمنٹ اس حوالے سے روزانہ فیڈ بیک لیا کرے گا۔ہم پرامید ہیں کہ شاہین آفریدی آئی سی سی مینز ٹی ٹوئنٹی ورلڈ کپ سے قبل مکمل فٹ ہوجائیں گے۔
شاہین شاہ آفریدی لندن میں پی سی بی ایڈوائزری پینل کی نگرانی میں رہیں گے۔ پینل میں ڈاکٹر امتیاز احمد اور ڈاکٹر ظفر اقبال شامل ہیں ۔
Advertisement
Update on Shaheen Shah Afridi
Details here ⤵️ https://t.co/KhYYXEtjpw
— PCB Media (@TheRealPCBMedia) August 29, 2022
ڈاکٹر امتیاز احمد 2016 سے میڈیکل سروسز کوئنز پارک رینجرز فٹ بال کلب کے سربراہ ہیں جبکہ ڈاکٹر ظفر 2015 سے ہیڈآف اسپورٹس میڈیسن کرسٹل پیلس فٹ بال کلب کے سربراہ ہیں۔ وہ ماضی میں ٹوٹنھم ہاٹسپر فٹ بال کلب لیور پول فٹ بال کلب اور کینٹ کاونٹی کرکٹ کلب کے ساتھ کام کر چکے ہیں۔
Advertisement
واضح رہے کہ شاہین آفریدی کو پی سی ایل ٹئیر مسل انجری ہے۔وہ سری لنکا میں پہلے ٹیسٹ کے دوران انجری کا شکار ہوئے تھے۔
توقع ہے کہ شاہین آفریدی آئی سی سی مینز ٹی ٹوئنٹی ورلڈ کپ سے قبل مکمل فٹنس حاصل کر لیں گے۔
ان کی کرکٹ میں واپسی کا فیصلہ پی سی بی میڈیکل ایڈوائزری بورڈ کرے گا۔
Advertisement