پاکستان ہاکی ٹیم نے دورہ یورپ کا کامیابی سے آغاز کرلیا۔
تفصیلات کے مطابق دورہ یورپ پر پاکستان ہاکی ٹیم نے پہلے میچ میں نیدرلینڈز کو 3-5 سے شکست دے دی۔
کھیل کے آغاز میں پاکستان کے اعجاز نے گول کرکے ٹیم کو برتری دلائی لیکن نیدرلینڈز نے لگاتار دو گول کرکے ایک گول کی برتری حاصل کرلی۔
تیسرے اور چوتھے کوارٹر میں پاکستان ٹیم نے شاندار کھیل کا مظاہرہ کرکے نہ صرف برتری حاصل کی بلکہ میچ پانچ کے مقابلے میں تین گول سے جیت لیا۔
پاکستان کی جانب سے رضوان نے تین جبکہ مبشر اور اعجاز نے ایک ایک گول اسکور کیا۔
قومی ہاکی ٹیم کے ہمراہ منیجر اولمپئن خواجہ جنید ، ہیڈ کوچ سیگفرائیڈایکمین، معاون کوچ وسیم احمد، ڈریک فلیکر کوچ رچرڈ اسنیچر اور گول کیپر کوچ باب جان ویلڈیف بھی موجود ہیں۔
پاکستان دورہ یورپ کا دوسرا میچ کل 27 اپریل کو نیدرلینڈز کے ہی خلاف کھیلے گا۔