کشمیرپریمیئرلیگ سیزن 2؛ 7 سینٹرل کنٹریکٹ کھلاڑیوں کو کھیلنے کی اجازت مل گئی
لاہور: کشمیرپریمیئرلیگ سیزن 2 کے لیے 7 سینٹرل کنٹریکٹ کھلاڑیوں کو پی سی بی نے کھیلنے کی اجازت دے دی ہے۔
پاکستان کرکٹ بورڈ کے چیئرمین رمیزراجہ نے کشمیرپریمیئرلیگ کے ڈائریکٹر راشد لطیف کی درخواست پر کھلاڑیوں کو کھیلنے کی اجازت دی ہے۔
جن کھلاڑیوں میں لیگ میں شرکت کی اجازت دی گئی ہے، ان میں اظہرعلی، فوادعالم، عابد علی اور نعمان علی شامل ہیں جبکہ عثمان علی، محمد ہریرہ اورحسیب اللہ کوبھی موقع مل گیا ہے۔
واضح رہے کہ کشمیرپریمیئرلیگ (کے پی ایل) سیزن 2 کی ڈرافٹنگ 21 جولائی کو اسلام آباد میں ہوگی جبکہ اس سے قبل سینٹرک کنٹریکٹ یافتہ کھلاڑیوں کو ایونٹ میں شرکت کی اجازت نہیں دی گئی تھی۔
Advertisement
دوسری جانب کشمیر پریمیئر لیگ کے دوسرے ایڈیشن میں شاہد آفریدی نے جموں جانباز کو نطور مینٹور جوائن کرلیا ہے جبکہ وہ ایکشن میں بھی دکھائی دیں گے۔
اس حوالے سے شاہد آفریدی کا کہنا تھا کہ میں اب بھی لیگ کرکٹ کھیل سکتا ہوں لیکن ڈاکٹروں نے سرجری کا مشورہ دیا ہے لیکن میں ورزش کے ذریعے کمر کا درد ٹھیک کرنے کی کوشش کر رہا ہوں۔
انہوں نے کہا تھا کہ فٹنس کی وجہ سے مکمل لیگ نہیں کھیل سکتا لیکن جموں جانباز کی نمائندگی کرتے ہوئے ایک دو میچ ضرور کھیلوں گا۔