نیپال کے ضلع رام چھپ میں بس کو حادثہ پیش آیا ہے جس کے نتیجے میں 9 افراد ہلاک اور متعدد زخمی ہو گئے۔
خبر ایجنسی کے مطابق مقامی انتظامیہ نے بتایا کہ بس 40 کے قریب سوارمسافروں کو لے کر دارالحکومت کھٹمنڈو کی جانب جا رہی تھی کہ رام جھپ کے قریب حادثے کا شکار ہو گئی۔
انتظامیہ کے مطابق حادثے میں 9 مسافر موقع پر ہی ہلاک ہوگئے جبکہ ریسکیو اہلکاروں نے بروقت آپریشن کر کے 30 مسافروں کو بچالیا۔
انتظامیہ نے بتایا کہ معمولی زخمیوں کو قریبی اسپتال جبکہ شدید زخمیوں کو کھٹمنڈو کے اسپتال منتقل کر دیا گیا ہے۔
مقامی پولیس کا کہنا ہے کہ بس کو حادثہ صبح کے وقت پیش آیا، حادثے کی وجوہات جاننے کے لیے تحقیقات کا آغاز کر دیا گیا ہے۔
Advertisement