برطانیہ کے نئے بادشاہ کا قوم سے پہلا خطاب، ملکہ الزبتھ دوم کو زبردست خراج تحسین

By admin On ستمبر 10, 2022

برطانیہ کے نئے بادشاہ پرنس چارلس سوئم نے قوم سے پہلے خطاب میں آنجہانی ملکہ الزبتھ دوم کو زبردست خراج تحسین پیش کیا ہے۔

غیر ملکی خبر رساں ادارے کے مطابق برطانیہ کے نئے بادشاہ پرنس چارلس سوئم نے قوم سے پہلا ویڈیو خطاب کیا جس میں ان کا کہنا تھا میں بہت زیادہ دکھی احساس کے ساتھ آپ سے بات کررہا ہوں۔

انہوں نے کہا کہ ملکہ الزبتھ دوم نے اپنی زندگی لوگوں کے لیے وقف کردی، انہوں نے اپنی ذمہ داریاں ادا کرنے کے لیے بہت قربانیاں دیں ہیں جب کہ انہوں نے اپنی زندگی لوگوں کی خدمت کے لیے وقف کردی۔

پرنس چارلس سوئم نے ملکہ الزبتھ دوم کے لیے نیک خواہشات کا اظہار کرتے ہوئے کہا کہ ان کی لگن اور محنت کا کوئی مقابلہ نہیں کرسکتا۔

انہوں نے اپنی والدہ کا شکریہ ادا کرتے ہوئے کہا کہ انہیں اپنی روایات سے بہت پیار تھا، میں اپنی والدہ کو زبردست خراج تحسین پیش کرتا ہوں۔

علاوہ ازیں انہوں نے اپنے خطاب میں بیٹے ولیم اور بہو کیٹ کو پرنس اینڈ پرنسس آف ویلز بنانے کا بھی اعلان کیا ہے۔

واضح رہے کہ 8 ستمبر 2022 کو ملکہ الزبتھ دوم 96 برس کی عمر میں انتقال کرگئیں تھیں جب کہ وہ برطانیہ کی سب سے طویل عرصے تک حکمرانی کرنے والی ملکہ تھیں۔

انہوں نے 70 سال تک برطانیہ پر حکمرانی کی ہے جب کہ ان کی وفات کے بعد بڑے بیٹے چارلس برطانیہ کے نئے بادشاہ بن گئے ہیں۔