طوفان جیسپر اگلے 24 گھنٹوں میں آسٹریلیا کے ساحل سے ٹکرانے کا امکان ہے، آسٹریلیوی حکام نے ایئرپورٹ آج رات (منگل کو) پروازوں کے لیے بند کر دیا۔
آسٹریلیا کے شمال مشرقی حصے میں طوفان جیسپر کے باعث تیز ہوا کے ساتھ بارشوں اور سیلاب کا سامنا ہے۔
غیر ملکی خبر ایجنسی کے مطابق طوفان کے زیر اثر آسٹریلیا کے علاقوں میں تیز ہوا کے ساتھ بارش اور سیلاب کے باعث آئندہ 24 گھنٹوں کے دوران لینڈ سلائیڈنگ کا خطرہ ہے۔
طوفان کے پیش نظر انخلاء کے مراکز قائم کر کے مزید ہنگامی عملہ تعینات کر دیا گیا ہے۔
سیاحتی شہر کیرنز میں ایئرپورٹ آج رات کو پروازوں کے لیے بند کر دیا گیا ہے۔