فٹ بال کی عالمی تنظیم فیفا نے پاکستان فٹ بال فیڈریشن کی بین الاقوامی رکنیت بحال کر دی ہے۔
تفصیلات کے مطابق فیفا نے پاکستان فٹ بال فیڈریشن پر عائد پابندیاں ختم کرتے ہوئے رکنیت دوبارہ بحال کر دی ہے۔
اس اعلان کے ساتھ ہی پاکستان میں بین الاقوامی فٹ بال کے دروازے کھل گئے ہیں اور ملکی سطح پر فٹ بال کی سرگرمیوں کا سلسلہ بھی بحال ہو چکا ہے۔
نارملائزیشن کمیٹی فٹ بال فیڈریشن کے الیکشن کے لئے پیش رفت کرے گی۔
واضح رہے کہ فٹ بال ہاؤس پر اشفاق گروپ کے قبضے کے بعد فیفا نے فٹ بال فیڈریشن کو معطل کر دیا تھا، جس کے بعد ملک میں فٹ بال کی سرگرمیاں محدود ہو گئیں تھی۔
نارملائزیشن کمیٹی کے چیئرمین ہارون ملک نے فٹ بال فیڈریشن کی بحالی پر فٹ بال برادری کو مبارکباد دی اور کہا کہ این سی انتھک محنت اور فٹ بال فیملی کی دعائیں رنگ لے آئیں۔
Advertisement
چیئرمین نارملائزیشن کمیٹی ہارون ملک نے کہا کہ فٹ بال کی عالمی تنظیم فیفا نے این کے مینڈیٹ میں بھی ایک سال کی توسیع کر دی ہے۔
ہارون ملک نے مزید کہا کہ فٹ بال کی بحالی ، پی ایف ایف کے الیکشن کا انعقاد اور اثاثہ جات کی واپسی اولین ترجیح ہو گی۔