پاکستان کی مینز کرکٹ ٹیم کے چیف سلیکٹر محمد وسیم نے اپنے ایک بیان میں اعتراف کیا ہے کہ گرین شرٹس کو مڈل آرڈر میں مسائل کا سامنا ہے۔
تفصیلات کے مطابق ایک نجی ٹی وی کو انٹرویو دیتے ہوئے چیف سلیکٹر محمد وسیم نے کہا کہ پاکستان کو مڈل آرڈر میں مسائل کا سامنا ہے جس کو آئندہ ماہ ہونے والے ٹی ٹوئنٹی ورلڈ کپ سے قبل درست کرنے کی کوششیں کی جا رہی ہیں۔
محمد وسیم کے مطابق موجودہ ورلڈ کپ اسکواڈ میں تبدیلیوں کا کوئی ارادہ نہیں ہے، البتہ ضرورت پڑنے پر چند تبدیلیاں کرنے کا آپشن موجود ہے۔
واضح رہے کہ کراچی کے نیشنل اسٹیڈیم میں انگلینڈ کے خلاف پہلے ٹی ٹوئنٹی انٹرنیشنل میچ میں، بابر اعظم اور محمد رضوان کی اوپننگ جوڑی نے ٹھوس اوپننگ پارٹنرشپ فراہم کرنے کے بعد پاکستان کے مڈل آرڈر کی پریشانیوں کا سلسلہ جاری رہا۔
بابر اور رضوان کی بہترین اوپننگ پارٹنر شپ کے بعد چیزیں ڈرامائی طور پر تبدیل ہوئیں جب بابر کو عادل رشید نے کلین بولڈ کیا جس کے بعد باقی بیٹنگ لائن اپ اسکورنگ ریٹ کو برقرار نہ رکھ سکے۔
Advertisement
پاکستان نے شان مسعود کو ٹی ٹوئنٹی انٹرنیشنل میں ڈیبیو بھی کرایا
کیونکہ بائیں ہاتھ کے کھلاڑی نے پاکستان سپر لیگ کے ساتھ ساتھ انگلش ڈومیسٹک مقابلے میں بھی متاثر کیا ہے۔
محمد وسیم کا کہنا تھا کہ آئی سی سی کی ایونٹ ٹیکنیکل کمیٹی کی منظوری کے بغیر 15 اکتوبر تک ٹیم میں تبدیلیاں کی جا سکتی ہیں۔
محمد وسیم نے نجی چینل سے بات کرتے ہوئے کہا کہ پاکستان ٹیم کو بیٹنگ کے مسائل کا سامنا ہے جس کے حل کے لیے کوششیں کی جا رہی ہیں۔
محمد وسیم کے مطابق ٹیم انتظامیہ اس کو حل کرنے کے لیے حالیہ سیریز میں بھی مختلف کمبی نیشن بنا رہی ہے اور بینچ سٹرینتھ کا موقع فراہم کر رہی ہے۔ ورلڈ کپ قریب ہے اور ہم مسلسل دو شکستوں سے زیادہ پریشان نہیں ہیں۔
موجودہ ورلڈ کپ اسکواڈ میں تبدیلیاں کرنے کے حوالے سے وسیم نے کہا کہ ضرورت پڑنے پر ایک آپشن موجود ہے۔
Advertisement
چیف سلیکٹر نے کہا کہ مجھے یقین نہیں کہ کیا تبدیلیاں کی جا سکتی ہیں، لیکن مجھے امید ہے کہ ٹورنامنٹ کے لیے منتخب کھلاڑی انگلینڈ کے خلاف سیریز میں اچھی کارکردگی کا مظاہرہ کریں گے۔
پہلے ٹی ٹوئنٹی انٹرنیشنل میچ میں پاکستان کی شکست کے بعد دونوں ٹیمیں آج اسی مقام پر آمنے سامنے ہوں گی۔
تیسرا اور چوتھا ٹی ٹوئنٹی 23 اور 25 ستمبر کو کراچی میں کھیلا جائے گا اس کے بعد باقی تین میچوں کے لیے لاہور منتقل ہو جائے گا۔
Advertisement