بھارت کو بہت زیادہ اہمیت دینے والے ’گوگل‘ پر بھارت میں اربوں روپے کا جرمانہ

By admin On اکتوبر 21, 2022

بھارت نے معروف سرچ انجن ’گوگل‘ پر 16 کروڑ 19 لاکھ ڈالرز یعنی (35 ارب پاکستانی روپے) سے زائد جرمانے کی سزا سنادی ہے۔

بھارت کو بہت زیادہ اہمیت دینے والے معروف سرچ انجن ’گوگل‘ کو ایک بڑا دھچکا لگا ہے کیونکہ بھارت نے ان پر 35 کروڑ پاکستانی روپے سے زائد کا جرمانہ عائد کیا ہے جب کہ گوگل نے ایک دہائی کے دوران بھارت میں اربوں ڈالر کی سرمایہ کررکھی ہے۔

بھارت کے مسابقتی کمیشن سی سی آئی نے گوگل پر جرمانے کی سزا سنائی ہے جب کہ یہ سزا ساڑھے تین سال کی تحقیقات کے بات سنائی گئی ہے۔

مسابقتی کمیشن سی سی آئی نے اینڈرائیڈ پلیٹ فارم کے لیے گوگل کو طریقہ کار بدلنے کا بھی حکم دیا ہے۔

سی سی آئی کا اپنے فیصلے میں کہنا تھا کہ گوگل نے آن لائن سرچ اور اینڈرائیڈ ڈیوائسز کے لیے ایپ اسٹور میں اپنی بالادست پوزیشن کو اپنی ایپس کے تحفظ کے لیے استعمال کیا اور دوسری ایپس کو دبایا ہے۔

دوسری جانب گوگل کا موقف بھی سامنے آگیا ہے جس میں ان کا کہنا ہے کہ ابھی فیصلے کا جائزہ لیا جارہا ہے جس کے بعد ہی اس حوالے سے اقدامات کیے جائیں گے۔

گوگل کا کہنا تھا کہ یہ جرمانہ بھارتی صارفین اور کاروباری اداروں کے لیے بہت بڑا دھچکا ہے، اینڈرائیڈ سے ہر ایک کے لیے مواقع پیدا ہوئے ہیں۔

انہوں نے مزید کہا کہ یہ آپریٹنگ سسٹم بھارت سمیت دنیا بھر میں لاکھوں کامیاب کاروباری اداروں کی معاونت کررہا ہے۔