آخری اوور میں نواز کی نو بال متنازع قرار، امپائر کے فیصلے پر سوشل میڈیا پر تنقید

By admin On اکتوبر 23, 2022

پاک بھارت میچ کے آخری اوور میں نواز کی نو بال کو متنازع قرار دیا جارہا ہے جب کہ امپائر کے فیصلے پر سوشل میڈیا پر بھی تنقید کی جارہی ہے۔

میلبورن کے تاریخی اسٹیڈیم میں آئی سی سی ٹی ٹوئنٹی ورلڈ کپ کا ہائی وولٹیج میچ پاکستان اور بھارت کی ٹیموں کے درمیان کھیلا گیا جس میں بھارت نے آخری گیند پر 4 وکٹوں سے کامیابی اپنے نام کی۔

میچ پر پاکستان کی گرفت مضبوط تھی تاہم آخری اوور میں محمد نواز کی گیند پر امپائر نے نوبال کا اشارہ کیا جو میچ کا ٹرننگ پوائنٹ ثابت ہوا۔

ہوا کچھ یوں کہ 19 اوورز کے اختتام تک بھارت کو جیت کے لیے 16 رنز درکار تھے، نواز نے کوہلی کو چوتھی گیند فل ٹاس کرائی جس پر انہوں نے چھکا مار دیا جب کہ امپائر نے اس گیند کو نوبال قرار دیا۔

اس طرح بغیر کسی گیند کے بھارت کو 7 رنز مل گئے اور اگلی گیند پر بھی فری ہٹ مل گئی جب کہ امپائر کی جانب سے اوور ہائٹ کی بنیاد پر نوبال قرار دیا گیا تھا۔

اس فیصلے سے قومی ٹیم کے کپتان بابر اعظم غیر مطمئن دکھائی دیے اور امپائر سے بحث بھی کی لیکن امپائر اپنے فیصلے پر اٹل رہے۔

A picture speaks louder than words #NoBall #Umpires #cheating pic.twitter.com/IEzBUiV1x2

— Adv. Mian Omer🇵🇰 (@Iam_Mian) October 23, 2022

امپائر کی جانب سے نوبال کے فیصلے پر سوشل میڈیا صارفین سمیت کرکٹ تجزیہ کار کڑی تنقید کا نشانہ بنارہے ہیں جب کہ صارفین کا کہنا ہے کہ بال کھیلتے ہوئے کوہلی کا پاؤں کریز پر موجود تھا جس کی وجہ سے یہ نوبال نہیں۔

Advertisement

A foot outside the crease, never a no ball. absolute disgrace. A big crime.#T20WorldCup    | #INDvPAK pic.twitter.com/g8miMwDzR9

— John Burke (@SirJohnBurke) October 23, 2022

Why was no ball not reviewed, then how can it not be a dead ball when Kohli was bowled on a free hit. #INDvPAK #T20worldcup22 pic.twitter.com/ZCti75oEbd

— Brad Hogg (@Brad_Hogg) October 23, 2022

کئی صارفین فری ہٹ بال پر ویرات کے آؤٹ ہونے پر بھی سوالات اٹھارہے ہیں، ان کا کہنا ہے جب فری ہٹ پر ویرات آؤٹ ہوگئے تھے تو اس بال کو ڈیڈ کیوں نہیں قرار دیا گیا؟

Can Someone explain, why this run was not considered single & Shadab kept the strike,
And why was today’s free hit not considered a dead ball, why was not ball not reviewed.?#INDvsPAK #Cheater #ICCT20WorldCup2022 #KingKohli #chacha #Melbourne #nawaz #NoBall #PakvsIndia #INDvsPAK pic.twitter.com/oZquRXEbVV

— Sheikh Muhammad Nabeel (@SheikhM42544981) October 23, 2022

واضح رہے کہ اس میچ میں بھارت نے ٹاس جیت کر پہلے بولنگ کرنے کا فیصلہ کیا اور پاکستان نے بیٹنگ کرتے ہوئے مقررہ اوورز میں 8 وکٹوں کے نقصان پر 159 رنز اسکور کیے۔

اننگز کے شروعات میں پاکستانی اوپنرز ناکام ہوگئے لیکن بعد ازاں مڈؒل آرڈر بلے باز نے ٹیم کو سہارا دیا، شان مسعود اور افتخار احمد کی جارحانہ بیٹنگ کی بدولت پاکستان ایک درمیانہ ہدف دینے میں کامیاب رہا۔

ہدف کے تعاقب میں بھارتی بیٹنگ بھی شروعات میں لڑکھڑا گئی اور ان کی 4 وکٹیں صرف 31 رنز پر ہی ڈھیر ہوگئیں تاہم ویرات کوہلی اور ہاردک پانڈیا کی زبردست بلے بازی کی وجہ سے بھارت نے مجموعی ہدف 6 وکٹوں کے نقصان پر آخری گیند پر پورا کرلیا۔