پاکستان 1992 ورلڈ کپ کے تاریخی لمحات کو دہرانے کے لیے ایک قدم دور

By admin On نومبر 11, 2022

میلرن کرکٹ گراؤنڈ میں ٹی ٹوئنٹی ورلڈ کا فائنل میچ پاکستان اور انگلینڈ کے درمیان 13 نومبر بروز اتوار کو کھیلا جائے گا۔

اگر ہم ٹی ٹوئنٹی ورلڈ کپ میں ہونے والے میچز کو دیکھیں تو ایسا لگتا ہے کہ تاریخ اپنے آپ کو دہرا رہی ہے کیونکہ 1992 ورلڈ کپ کی طرح رواں ٹی ٹوئنٹی ورلڈ کپ میں بھی بہت سی مماثلتیں دیکھی گئی ہیں۔

1992 ورلڈ کپ کی اگر ہم بات کریں تو پاکستان ملیبرن کرکٹ گراؤنڈ میں اپنا افتتاحی میچ ہارگیا تھا جب کہ رواں ٹی ٹوئنٹی ورلڈ کپ میں بھی پاکستان نے اپنا افتتاحی میچ میلبرن کرکٹ گراؤنڈ میں ہی کھیلا جس میں انہیں شکست ہوئی۔

عمران خان کی قیادت میں بھی پاکستان کو اپنے گروپ مرحلے کے میچز میں بھارت کے ہاتھوں شکست ہوئی تھی جب کہ بابر اعظم کی ٹیم کو بھی گروپ مرحلے کے میچ میں بھارت کے ہاتھوں شکست کا سامنا کرنا پڑا۔

1992 ورلڈ کپ اور رواں ٹی ٹوئنٹی ورلڈ کپ میں پاکستان کو سیمی فائنل تک رسائی حاصل کرنے کے لیے کافی جدوجہد کرنا پڑی ہے جب کہ پاکستان نے صرف ایک پوائنٹ کے فرق سے ورلڈ کپ کے سیمی فائنل تک رسائی حاصل کی تھی۔

ایک اور مماثلت ہم دیکھ سکتے ہیں کہ عمران خان کی ٹیم نے 1992 کے ورلڈ کپ کے سیمی فائنل میں نیوزی لینڈ کو شکست دے کر فائنل تک رسائی حاصل کی تھی اور اس ٹی ٹوئنٹی ورلڈ کپ میں بھی پاکستان نیوزی لینڈ کو شکست دے کر فائنل میں پہنچا ہے۔

جیسا کہ تاریخ اپنے آپ کو دہرا رہی ہے تو کیا پاکستان 1992 کی طرح دوبارہ انگلینڈ کو شکست دے کر ٹی ٹوئنٹی کرکٹ کا بے تاج بادشاہ بنے گا یا انگلینڈ اپنا 30 سالہ پرانا بدلہ ہم سے لے گا؟ اس کا فیصلہ اتوار کو ہونے والے میچ میں ہی ہوگا۔