اہم خبریںشوبز/کھیل

فیفا ورلڈ کپ کی تقریب کے دوران نماز کا وقفہ

By admin
55
Print Friendly, PDF & Email

فیفا ورلڈ کپ کی تقریب کے دوران نماز کا وقفہ

اسلامی ملک قطر نے نماز کے وقفے کے لیے فٹبال کے عالمی میلے کی تقریب کو روک دیا۔

گذشتہ روز قطر میں دنیا کے مہنگے ترین فیفا ورلڈ کپ 2022 کا آغاز ہوا جس میں دنیا بھر سے 32 ٹیمیں حصہ لے رہی ہیں جن کے درمیان 64 میچز کھیلے جائیں گے۔

ایونٹ کی افتتاحی تقریب میں موسیقی کا تڑکا بھی رہا اور شاندار آتش بازی کا مظاہرہ بھی دیکھنے کو ملا جب کہ قطر نے اسلامی روایت کو برقرار رکھتے ہوئے نماز کے دوران تقریب کو ہی روک دیا۔

تقریب کی ایک ویڈیو غیر ملکی اسپورٹس جرنسلٹ رابرٹ کارٹر کی جانب سے سوشل میڈیا پر شیئر کی گئی جس میں نماز کے وقفے کا اعلان سنا جاسکتا ہے۔

وائرل ویڈیو میں دیکھا جاسکتا ہے کہ تقریب پوری آب و تاب کے ساتھ جاری تھی کہ اچانک میزبان نے اعلان کیا کہ تقریب کو نماز کے لیے روکا جارہا ہے۔

میزبان کا کہنا تھا کہ نماز کے مختصر وقفے کے بعد پروگرام میں مزید دلچسپ چیزیں پیش کی جائیں گی جب کہ وائرل ویڈیو پر اب تک ہزاروں صارفین نے پسندیدگی کا اظہار کرتے ہوئے ری ٹوئٹ بھی کیا ہے۔

Advertisement

واضح رہے کہ فیفا ورلڈ کپ کی افتتاحی تقریب کے بعد گذشتہ روز میزبان قطر اور ایکواڈور کی ٹیموں کے درمیان میچ کھیلا گیا جس میں قطر کو شکست کا سامنا کرنا پڑا تھا۔

اس میچ میں ایکواڈور نے 2-0 سے کامیابی اپنے نام کی جب کہ قطر کے اسٹار کھلاڑی الموز علی اور کپتان حسن الحیڈوس بھی ناکام رہے۔

Advertisement

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }