انگلینڈ کے شہر شیفیلڈ میں ہونے والی ورلڈ اسنوکر چمپئین شپ کے فائنل میں رونی او سلیوان نے جوڈ ٹرمپ کو شکست دے کر ساتویں بار ٹائٹل اپنے نام کیا۔
فائنل میں رونی او سلیوان نے جوڈ ٹرمپ کو 13 کے مقابلے میں 18 فریم سے شکست دے کر اسٹیفن ہینڈری کے ریکارڈ کو برابر کر دیا۔
اپنی ریکارڈ ساز کامیابی پر رونی اوسلیوان نے کہا کہ میرے خیال میں سات عالمی ٹائٹل جیتنے کا ہینڈری سے زیادہ مطلب تھا لیکن اب ہم دونوں اس ریکارڈ کے مشترکہ مالک ہیں۔
رونی نے کہا کہ اسٹیفن ہینڈری ایک مکمل لیجنڈ ہے اور میرے لئے یہ اعزاز ایک نمبر سے کم نہیں ہے۔
Wow never seen @ronnieo147 like that. Amazing stuff and you can see what equalling @SHendry775 record means️
— Neil Robertson (@nr147) May 2, 2022
رونی نے 2011 میں رٹائرمنٹ کے بارے میں سوچ رہے تھے، 46 سالہ رونی نے اُس وقت ایک ماہر نفسیات اسٹیو پیٹرز سے رابطہ کیا جنہوں نے اسے ذہنی تناؤ سے نکالا۔
ماہر نفسیات سے میٹنگ کے بعد رونی نے کروسیبل میں کھیلے گئے پانچ میں سے چار فائنل جیتے۔
رونی او سلیوان نے کہا کہ جب میں 2011 میں ماہر نفسیات اسٹیو پیٹرز سے ملنے گیا تھا، اس وقت میں اسنوکر چھوڑنے کے لیے تیار تھا کیونکہ کوئی اور سنوکر کھلاڑی اس عمر میں کچھ نہیں جیت رہا تھا۔
رونی نے کہا کہ اُس وقت ہینڈریس اور ڈیوس کی پرفارمنس بھی اس عمر میں تنزلی کا شکار ہو رہی تھی، اور میں نے اسے قبول کر لیا تھا۔