امریکی شہر لاس اینجلس کے پارک میں ایک کار شو کے دوران فائرنگ سے کم از کم 2 افراد ہلاک اور 5 زخمی ہو گئے ہیں۔
لاس اینجلس فائر بریگیڈ ڈپارٹمنٹ کی جانب سے جاری کی گئیں اطلاعات کے مطابق یہ واقعہ اتوار کے روز ریاست فلوریڈا کے شہر لاس اینجلس کے جنوب میں 32 کلومیٹر کے فاصلے پر سان پیڈرو نامی علاقے کے ایک پارک میں پیش آیا ہے۔ واقعے کے وقت پارک میں ایک کار شو کا انعقاد جاری تھا۔
لاس اینجلس فائر بریگیڈ ڈپارٹمنٹ کے ترجمان برائن ہمفرے کے مطابق یہ واقعہ ایک کار شو کے دوران پیش آیا جس میں ابتدائی طور پر سات افراد زخمی ہوئے تھے جن میں تین خواتین اور چار مرد شامل تھے۔ پیرامیڈکس نے فوری طور پر زخمیوں کو ہسپتال منتقل کیا جہاں بعد ازاں ایک خاتون اور ایک مرد زخموں کی تاب نہ لا کر انتقال کر گئے جبکہ زخمیوں میں سے تین افراد کی حالت نازک بتائی جاتی ہے۔
Advertisement
لاس اینجلس پولیس نے واقعے کے بارے میں کہا ہے کہ فائرنگ نواحی علاقے سان پیڈرو کے پیک پارک میں سہ پہر تین بج کر پچاس منٹ کی گئی۔ پولیس ڈپارٹمنٹ کا اپنے ٹویٹ پیغام میں کہنا ہے کہ فائرنگ کا یہ ایسا واقعہ نہیں ہے جسے براہ راست فائرنگ کا نام دیا جا سکے۔
Advertisement