ہرشل گبز کا بابر اعظم کو اسٹرائیک ریٹ بہتر بنانے کے لیے مشورہ

By admin On ستمبر 18, 2022

پاکستان کرکٹ ٹیم کے کپتان بابر اعظم اس وقت بہترین آل فارمیٹ بلے باز ہیں لیکن ایشیاکپ میں ان کی پرفارمنس خراب رہی ہے جب کہ انہوں نے چھ اننگز میں صرف 68 رنز ہی اسکور کیے تھے۔

پاکستان ٹیم کے لیے ٹی ٹوئنٹی میں ایک بڑا مسئلہ اوپننگ جوڑی محمد رضوان اور بابر اعظم کا اسٹرائیک ریٹ کا ہے۔

جنوبی افریقہ کے سابق اوپنر اور پی ایس ایل 6 میں کراچی کنگز کے ہیڈ کوچ رہنے والے ہرشل گبز نے بابر اعظم کو اسٹرائیک ریٹ بہتر بنانے کے لیے مشورہ دیا ہے۔

If babar adds one or two more attacking options to his game his strike rate will improve and be even more effective https://t.co/8Bcv4amqdo

— Herschelle Gibbs (@hershybru) September 16, 2022

محمد رضوان اور بابر اعظم کے اسٹرائیک ریٹ پر چیف سلیکٹر محمد وسیم کی رائے کا حوالہ دیتے ہوئے ہرشل گبز نے لکھا کہ ’اگر بابر اعظم اپنے کھیل میں ایک یا دو مزید حملہ آور آپشنز شامل کرلیں تو ان کا اسٹرائیک ریٹ بہتر اور زیادہ موثر ہوجائے گا‘۔

واضح رہے کہ بابر اعظم زیادہ تر کلاسک شارٹ پر انحصار کرتے ہیں اور کھیلتے ہوئے زیادہ رسک نہیں لیتے، ہرشل گبز کے مشورے سے ان کی بلے بازی مزید بہتر ہوسکتی ہے جب کہ وہ زیادہ رنز بنانے میں بھی کامیاب ہوسکتے ہیں۔