کوویڈ 19 کے نئے 735 مریضوں کی تشخیص کا اعلان ، 538 مزید صحتیاب ، 3 کی وفات

ابوظبی:(اردوویکلی):: وزارت صحت و تحفظ کے مطابق گزشتہ 24 گھنٹوں کے دوران ملک میں کوویڈ 19 کے مزید 79 ہزار 623 ٹیسٹ کیئے گئے– وزارت کی طرف سے بدھ کو جاری بیان کے مطابق مزید ٹیسٹس کے نتیجے میں کورونا وائرس کے نئے 735 مریضوں کی تشخیص ہوئی جس کے بعد ملک میں اس وائرس کے مجموعی متاثرین کی تعداد 71 ہزار 540 ہوگئی ہے ، نئے مریضوں کاتعلق مختلف قویتوں سے ہے انہیں ضروری طبی نگہداشت بھی میسر آرہی ہے – وزارت کے مطابق زیرعلاج مریضوں میں سے 3 مریض کویٓڈ کی وجہ سے پیدا طبی پیچیدگی کے باعث وفات پاگئے جس سے اس وباء کی وجہ سے مرنے والوں کی مجموعی تعداد 387 ہوگئی – وزارت نے مرنے والوں کے اہلخانہ سے دلی تعزیت کا اظہار کرتے ہوئے دیگر زیر علاج مریضوں کی جلد صحتیابی کیلئے نیک خواہشات کا اظہار کیا ہے اور معاشرے کے تمام ارکان کو صحت حکام سے مکمل تعاون کرتے رہنے اور سماجی فاصلے سمیت احتیاطی اقدامات کی پیروی کرتے رہنے کی تلقین بھی کی ہے – وزارت کے مطابق اس وباء کے زیر علاج مریضوں میں سے مزید 538 مکمل صحتیاب بھی ہوگئے جس کے بعد ایسے مکمل صحتیاب ہونے والوں کی تعداد بڑھ کر 62 ہزار 29 ہوگئی ہے (وام نیوز)۔۔