انٹرنیشنلاہم خبریں

امریکا میں طیارہ کار پرآ گرا، ایک شخص ہلاک، پانچ زخمی، حادثے کی وڈیو وائرل

By admin
70
Print Friendly, PDF & Email

امریکی ریاست فلوریڈا کے شہر میامی میں ہفتے کے روز ایک چھوٹا طیارہ پل پر سے گزرنے والی ایک کار کے اوپر آن گرا جس کے نتیجے میں ایک شخص ہلاک اور پانچ زخمی ہو گئے۔

یہ المناک حادثہ دوپہر سے کچھ پہلے ہالور اِنلیٹ پل پر پیش آیا جس سے پل پر ٹریفک بند ہو گئی۔ حادثے کے مناظر کیمرے کی آنکھ نے محفوظ کر لیے جس کی وڈیو سوشل میڈیا پر جنگل کی آگ کی طرح پھیل گئی۔

وڈیو میں دیکھا جا سکتا ہے کہ حادثے کا شکار طیارہ جو ایک نجی کمپنی کی ملکیت تھا، فنی خرابی کے باعث ایک کار پر گرا جس میں ایک خاتون اور اُن کے دو چھوٹے بچے سوار تھے تاہم خوش قسمتی سے خاتون اور دونوں بچے محفوظ رہے۔

حادثے کے بعد طیارے کو آگ لگ گئی جس سے فضا میں گہرے کالے دھویں کے بادل چھا گئے۔ وڈیو میں طیارے کی زد میں آنے والی بدقسمت ایس یو وی گاڑی بھی تباہ شدہ حالت میں دیکھی جا سکتی ہے۔

فائر فائٹرز نے موقع پر پہنچ کر طیارے میں لگی آگ کو بجھا دیا اور زخمیوں کو ہسپتال منتقل کیا گیا تاہم طیارے میں سوار ایک شخص جان کی بازی ہار گیا۔

فیڈرل ایوی ایشن ایڈمنسٹریشن (ایف اے اے) کے حکام نے تصدیق کی ہے کہ سنگل انجن والے سیسنا 172 طیارے میں 3 افراد سوار تھے جو انجن میں خرابی کے باعث میامی ہائی وے برج پر گر کر تباہ ہو گیا۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }