عرب امارات میں کوویڈ19 کے مزید 85 ہزار سے زائد ٹیسٹ ،
883 نئے مریض ، 416 مزید صحتیاب ، دو کی وفات
ابوظہبی:(اردوویکلی):: وزارت صحت و تحفظ نے ملک میں کورونا وائرس کے متاثرین کی جلد تشخیص اور انہیں ضروری علاج معالجہ فراہم کرنے کی جاری پالیسی کے تحت گزشتہ 24 گھنٹوں میں کوویڈ 19 کے مزید 85 ہزار 917 ٹیسٹ کیئے ،جس میں جدید ترین تشخیصی ٹیکنیک استعمال کی گئی – وزارت کی طرف سے بدھ کو جاری بیان کے مطابق مزید ٹیسٹس کے نتیجے میں وائرس وباء کے نئے 883 متاثرین کی تشخیص ہوئی اب مجموعی متاثرین کی تعداد 75 ہزار 981 ہوگئی ۔ طبی پیچیدگی پیدا ہونے کے باعث اس وائرس کے دو مریض چل بسے جس سے ملک میں مجموعی اموات کی تعداد 393 ہوگئی ۔ وزارت نے مرنے والے کے لواحقین سے دلی تعزیت کا اظہار کرتے ہوئے دیگر مریضوں کی جلد صحتیابی کی خاطر نیک خواہشات کا اظہار بھی کیا ہے ۔ وزارت نے معاشرے کے تمام ارکان کو محکمہ صحت کے حکام سے مکمل تعاون جاری رکھنے اور وائرس سے بچنے کیلئے احتیاطی و حفاظتی اقدامات پر عمل پیرا رہنے کی تلقین بھی کی ہے – وزارت نے بتایا ہے کہ اس وباء کے زیر علاج مریضوں میں سے مزید 416 مکمل صحتیاب ہوگئے ہیں جس سے ملک میں مجموعی طور پر صحتیاب ہونے والے ایسے افراد کی تعداد بڑھ کر 67 ہزار 359 ہوگئی ہے۔